Иако е поранешен играч на Барселона, Нејмар често се поврзува со трансфер во Реал Мадрид, некои веруваат дека тој би можел да се случи уште во престојниот летен преоден рок.
ПСЖ сигурно нема да го пушти Нејмар за сума помала од таа со која го купи, а тоа значи нов рекорден трансфер.
„Дали сакам да играм за Реал Мадрид? Тие се еден од најголемите клубови во светот“, вели Нејмар за Глобо ТВ.
„Секој фудбалер кој се поврзувал со Реал Мадрид би сакал да игра таму“.
„Јас сум среќен во Париз, тука ми е многу добро… но никој не знае што носи иднината“.
„Јасно е дека Реал Мадрид е голем тим, еден од најдобрите во светот, имам голема почит за нив, но сега сум во Париз“.
„Сега размислувам само за ПСЖ, не сакам да го напуштам Париз, но никој не знае што ќе се случи од сега до следните три месеци. Животот на фудбалерот е многу непредвидлив. Се случуваат неочекувани моменти“.
Се шпекулира и за враќање на Нејмар во Барселона, но според одговорот на Бразилецот помали се шансите за тоа да се случи.
„Моја цел беше да играм за Барселона, тоа беше мој сон кој го остварив, сите го знаат тоа“.
„Тоа отсекогаш беше мој сон, уште од кога бев дете, го остварив. И се чувствувам исполнето“.