Наполи покажа
дека има квалитет, избраниците на Гатузо глатко си овоија шест бода во пеколна
недела. Откако пред седум дена славеа со 0-1 на гостувањето кај Милан, вечерва
со 0-2 триумфираа на гости кај Рома.
Дрис Мертенс со
два гола донесе триумф од 0-2 над „волчицата“. Напаѓачот најпрво убаво погоди
од слободен удар во 27. минута за потоа по втор пат да ја загресе мрежата во
34. минута. Политано спушти топка а фудбалерот од Белгија со глава успеа да го
совлада Лопез.
Со овие два гола,
Дрис Мертенс стигна до бројката од 100 погодока во Серија А и стана само
третиот фудбалер во историјата на Наполи со вако постигнување. Марек Хамшик
исто така има 100 погодока, а Антонио Војак има 102 погодока.
Нашиот Елиф Елмас
мечот го започна од клупата за резерви и шанса доби во последните 20 минути.
Со оваа победа,
Наполи сега е на само два бода до топ 4 но има и натпревар помалку.