Поразот, а воедно
и елиминацијата на бранителот на европскиот трофеј од Ајакс во осминафиналето
од Лигата на шампионите е топ тема низ сите светски медиуми, Кралевите иако
славеа со 1-2 во Амстердам, синоќа беа понижени пред своја публика со 1-4.
Сантијаго Солари
се соочува со досега невиден притисок од јавноста по катастрофата за шпанскиот
гигант, а тој по мечот рече дека во тимот му недостасувал Серхио Рамос, тој
верува дека сликата на Сантијаго Бернабеу со капитенот ќе била поинаква.
„Секако“ одговори
Солари на прашањето дали на тимот му недостасувал Рамос во играта.
„Без да говорам
лошо за ниту еден од нашите фудбалери, секако ни недостасуваше нашиот капитен“
додаде Солари.
Инаку, како за
потсетување, Рамос намерно направи прекршок за да добие жолт картон во првата
пресметка против Ајакс, а откако призна јавно за таа намера да влезе без
картони во следната рунда, ако Кралевите се изборат за тоа, дисциплинската комисија
при УЕФА му врачи суспензија од два меча.