Луис Суарез одигра без почит кон Ливерпул иако го носеше црвениот дрес, напаѓачот се однесуваше како никогаш да не бил член на англискиот клуб.
Суарез го славеше погодокот кој го постигна, а неколку пати влезе во расправија со играчите на Ливерпул.
Мурињо смета дека и другите фудбалери треба да го следат примерот на Суарез.
„Луис направи нешто што е добро и што ми се допадна. Во текот на тие 90 минути тој заборави дека играл за Ливерпул.Беше фокусиран само на мечот, неговата работа, и како Барса да се пласира во финалето и да ја освои Лигата на шампионите“, вели Мурињо.
„Тој постигна гол, го прослави голот, се тепаше со противниците, со играчи кои веројатно ги сака, и со кои веројатно разговара на телефон“.
„Фантастично, фантастично однесување. Меси е феноменален, но да имате до него таков вид на фудбалер, кој може – не е збор кој јас сакам да го користам – да врши валкана работа. Но не е валкана, туку важна работа, и да дава голови е фантастично“.