74
Манчестер јунајтед утре на Олд Трафорд го пречекува Јувентус во рамките од третото коло во Лигата на шампионите. Алексис Санчез не се појави на денешниот тренинг и тој нема да биде во комбинација за утрешниот меч.
„Фудбалерите кои ги видовте на тренингот ми се на располагање за натпреварот. Нема што да се крие. Алексис е во аут“, им се обрати Мурињо на новинарите.
Мурињо беше запрашан и за добрата форма на Марсијал, тој вели дека тоа е поради подобрите игри на тимот.
„Мислам дека Марсијал е како тимот, тимот игра добро, Марсијал игра добро, полесно е за индивидуалците да играат кога тимот игра добро и обратно“.
„Ентони играше два меча каде тимот играше добро и на кои постигнавме пет гола“.