Во пресрет на дербито Тотнем е на седмото место со седум бода пред Арсенал кој е десетти на табелата. Двата тима не се на позиција која ја посакуваат, па важен им е секој бод.
Мурињо беше запрашан што мисли за тоа, а тој одговори дека ги гледа само екипите кои се пред него, кои може да ги стигне, не гледа на позициите под нив.
„Гледам нагоре, не гледам надолу. Дококлу Арсенал беше седум бода пред нас ќе гледав кон нив, но бидејќи ние сме седум бода пред нив, не гледам надолу“, вели Мурињо.
„Во исто време ние секогаш гледаме кон следниот меч и доколку на местото од Арсенал беше Астон Вила или Њукасл, чувството ќе беше исто“.
„Ние чувствуваме дека сме подобри од позицијата на која сме на табелата и сакаме да ја подобриме нашата позиција, па потребни ни се бодови за тоа“.
„Не е важно кој ни е противник, не е важно дали е дерби. Тоа е меч од Премиерлигата, три бода се во игра и ние ќе се бориме да ги освоиме“.
Мурињо има фантастичен рекорд против Арсенал, на 22 одиграни натпревари има 12 победи и само два порази.