Атмосферата во Реал Мадрид не е најдобра, особено по двата порази на Бернабеу од Барселона.
Фудбалерите на Солари загубија три од последните четири меча во сите натпреварувања, па Модриќ беше запрашан дали им недостасува Роналдо.
„Тој е фудбалер кој би му недостасувал на секој тим. Речиси невозможно е да најдете замена за него. Што тој има направено за овој клуб… се разбира дека ни недостасува Роналдо“, вели Модриќ.
„Тоа што клубот се обиде да го направи е да ја исполни неговата улога со учинокот на останатите играчи, што го испорачуваат офанзивните фудбалери. И тоа не е лесно. Кристијано постигнуваше по 50 голови, и не можете да најдете некој кој ќе дава толку“.
„Некои треба да исчекорат напред, не да постигнат по 50 голови, но три играчи да дадат најмалку по 15-20 или 10 голови. И ние се уште го немаме тоа. Тоа е нашиот најголем проблем оваа сезона. На пример во купот против Барселона имавме многу шанси, но противник со толку многу квалитет ќе ве казни“.
„Кристијано не е тука, но не можеме десет години да се жалиме за тоа“.
„Клубот има доверба во други фудбалери како Бејл, Асенсио, Бензема, тие потпишаа со Мариано, Винисуис кој игра многу добро за негови години“.
„Бејл е добар. Понекогаш фудбалерот минува низ фаза од неговата кариера кога не се чувствува добро. Сите поминале низ тоа. Мене ми се случувало во минатото“.
„Тој изгледа среќен и возбуден. Не треба да заборавиме што има направено за овој клуб. Сака да работи и сака да се врати во својата најдобра форма. Има многу да му понуди на овој тим. Треба само да работи, работи и работи“.