Капитенот на француската репрезентација, Килијан Мбапе, продолжува да ги поместува границите на најголемата фудбалска сцена. „Триколорите“ во Бостон го совладаа Мароко со 2:0 и обезбедија пласман во полуфиналето, каде што ќе го очекуваат победникот од дуелот меѓу Шпанија и Белгија.
Мбапе беше стрелец на првиот гол, откако претходно не реализираше пенал, но и покрај тоа повторно беше еден од најзабележителните поединци на теренот.
Според податоците на статистичката компанија „Опта“, францускиот напаѓач е единствениот фудбалер во последните 60 години кој на две различни Светски првенства директно учествувал во најмалку 10 погодоци.
100 – Kylian Mbappé devient le premier joueur à être impliqué dans 100 buts en équipe de France🇫🇷 (64 buts, 36 assists).
— OptaJean (@OptaJean) July 9, 2026
Légendaire.💯 pic.twitter.com/5RCjIRB7UN
Неговата статистика на Мундијалите изгледа импресивно:
Катар 2022 – 8 погодоци и 2 асистенции
САД/Канада/Мексико 2026 – 8 погодоци и 3 асистенции
Мбапе истовремено постави уште еден рекорд, постигна осум победнички голови на Светските првенства, односно погодоци со кои ѝ донел водство на Франција, што е најдобар учинок во историјата на ова натпреварување.
Со своите фантастични настапи, ѕвездата на Франција се приближи и до легендарниот германски голгетер Герд Милер, кој сè уште го држи рекордот за најмногу директни учества во голови на едно Светско првенство. Милер на Мундијалот во 1970 година постигна 10 гола и запиша три асистенции, односно учествуваше во вкупно 13 погодоци.
Импресивната низа на Мбапе беше заокружена со уште едно историско достигнување. Тој стана првиот фудбалер кој директно учествувал во 100 голови на француската репрезентација, со учинок од 64 погодоци и 36 асистенции.