Селекторот на
Италија, Роберто Манчини инстистира на тоа дека има доверба во Чиро Имобиле, но
признава дека постои проблем доколку тој не се врати во онаа посакувана форма
во дресот на Лацио.
Манчини вели дека
потребни му се офанзивци кои погодуваат, го издвои Инсиње со големи калитети, а
за Имобиле додаде дека има доверба во него, но, заклучи дека ако истото што го
прави во Лацио, го прави и во дресот на Аѕурите, тогаш нема да има никакви
проблеми.
„Инсиње поседува
големи квалитети, работи напорно, можам да извлечам максимум од него, играјќи
го во нападот. Токму затоа Анчелоти го игра на тие позиции, тој е многу опасен
близу казнените простори“ истакна Манчини.
„Имобиле ја има
мојата доверба, во спротивно не би го повикувал, секогаш сум упатувал повици до
него, освен во моментите кога бил повреден“ додаде италијанскиот селектор.
„Тој погодува
често за Лацио, ако тоа го прави и во националниот тим, тој нема да има никакви
проблеми, истото се однесува и на Белоти, и на останатите“ заклучи Манчини.
Италија тргна со
реми на домашен терен против Полска од 1-1, а потоа следеше пораз кај
Португалија со 1-0 во рамките на Лигата на Нации, за веќе во третото коло да
обезбеди минимална победа кај Полска, нешто што е голема надеж за подобри
денови во новата ера на италијанската репрезентација која доживеа шок откако не
успеа да избори место на Светското првенство кое изминатото лето се одржа во
Русија.