„Ѓаволите“ сакаат да се разделат со Маркус Рашфорд, раководството на клубот смета дека животниот стил на напаѓачот и проблемите надвор од теренот влијаат на неговите игри, плус тој има висока плата.
Со Рубен Аморим на тренерското столче, се очекуваат многу промени на Олд Трафорд и често има гласини за тоа кои играчи ќе бидат продадени, и кои засилувања ќе бидат донесени.
Денеска се појавија шпекулации кои велат дека Манчестер јунајтед го продава Маркус Рашфорд, напаѓачот поради две причини е на излезна врата.
Раководството на „ѓаволите“ смета дека животниот стил на Англичанецот и проблемите надвор од теренот влијаат на неговите игри, и тој повеќе не е толку многу фокусиран на фудбалот како претходно, па затоа и формата драстично му паднала.
Исто така, Маркус Рашфорд има висока плата и неговиот трансфер може да ослободи значителни средства за инвестирање без притоа да се прекршат правилата за Финансиски фер плеј.
Извештаите велат дека ПСЖ пројавува интерес за услугите на напаѓачот и внимателно следи што се случува на Олд Трафорд.