Манчестер Сити не го победи Лидс, Алиоски беше стартер (ВИДЕО)

Алиоски го имаше првиот премиерлигашки старт, го одигра првото полувреме по што беше изваден од игра.

Лидс и Манчестер Сити одиграа еден одличен меч со шанси и на двете страни, можеа да бидат постигнати повеќе голови, но само двапати се тресеа мрежите.

Манчестер Сити поведе уште во 17. минута со гол на Стерлинг, по 15 минути игра во вториот дел Родриго изедначи на 1-1.

Лидс два пати ја погодуваше конструкцијата од голот на Манчестер Сити, а Едерсон имаше и неколку одлични интервенции.

Манчестер Сити преку Де Брујне ја погоди стативата, имаа и тие повеќе големи шанси, но не дојдоа до трите бода.