Манчестер јунајтед не започна најдобро, Саутемптон со гол на Валери во 26. минута поведе со 1-0.
Јунајтед се обидуваше да изедначи, но тоа успеа да го направи дури во 53. минута со гол на Переира. Шест минути подоцна Лукаку реализираше за комплетен пресврт и водство на Јунајтед од 2-1.
Вард Праус на 15 минути до крајот го изедначи резултатот на 2-2, но Манчестер јунајтед со гол на Лукаку во 89. минута дојде до ново водство и до победа од 3-2.
Победата можеше да биде и повисока, но Погба не реализираше пенал во 95. минута.
Манчестер Сити со 1-0 победи на гостувањето кај Борнмут, стрелец на погодокот беше Ријад Махрез, многу значајни три бода за граѓаните во битката за титулата.
Во останатите натпревари од Премиерлигата, Брајтон со 1-0 го победи Хадерсфилд, Кристал Палас со 3-1 славеше на гостувањето кај Барнли, а Волвс со 2-0 го совлада Кардиф.