Со скок од 86 позиции во последните 12 месеци, Македонија е селекцијата со најголем напредок на ФИФА ранг листата во поглед на скокнатите места. Но наградата оди кај Данска поради тоа што ФИФА во предвид ги зема рејтинг поените а не напредокот во позиции, Македонија е четврта на официјалната листа за најдобар напредок во текот на една година.
На листата на ФИФА за селекции со најголем напредок прва е Данска со +456 поени, Шведска има +323 поени, трета е Боливија со +315, Македонија е четврта со +308 поени.
Според бројот на скокнати позиции Македонија е прва со 86, пред Андора со 65 и Либан со 62.
Македонија остана на 76. место на ФИФА ранг листата. Меѓу најдобрите 10 нема промени, Германија е прва, по неа следуваат Бразил, Португалија, Аргентина, Белгија, Шпанија, Полска, Швајцарија, Франција и Чиле.