Многу љубители на фудбалот го чекаа овој момент – Хамбургер конечно се врати во германската фудбалска елита!
По цели седум години минати во Цвајта, славниот клуб од најголемото германско пристаниште се избори за камбек во Бундеслигата на спектакуларен начин – со убедлива победа од 6-1 над Улм, пред речиси 60.000 гледачи на „Фолкспарк стадион“!
Хамбургер остана на првото место на табелата и го потврди директниот пласман во елитата, а во последното коло против Гројтер Фирт ќе игра за заверка на шампионската сезона. Многу блиску до Бундеслигата е и Келн – на „јарците“ им треба само бод во последното коло за и математички да обезбедат промоција.
По последниот свиреж на судијата, десетици илјади навивачи на Хамбургер излетаа на теренот и славеа со своите херои. Радоста беше неизмерна – солзи радосници, песни и сцени кои долго ќе се паметат.
Се ближи крајот на сезоната во Цвајта, а Германија повторно ќе го гледа ХСВ меѓу најдобрите.
Scenes when Hamburger SV, who had never been relegated from the Bundesliga until 2018, returned to the top division.pic.twitter.com/bnL6nwyBpt
— Troll Football Media (@Troll__Footbal) May 10, 2025