Чилеанецот беше
изоставен од стартниот состав на „Топчиите“ за дуелот со Ливерпул, и се
шпекулира дека Алексис Санчез бил седнат на клупа како казна за расправија од
соблекувалната која се случила неколку дена претходно.
Арсен Венгер ги
негираше ваквите стории, но медиумите и понатаму продолжуваат да говорат и
пишуваат на оваа тема.
Френк Лампард во
емисијата МНФ на Скај Спортс вечерва го предупреди Арсен Венгер околку Алексис
Санчез и вели дека Арсенал нема доволно квалитетен состав да обезбеди топ
четири пласман без Чилеанецот.
„Мислам дека
Арсен Венгер се наоѓа во тешка ситуација, во моментов не е во позиција каде
може да покаже сила” –
вели Лампард.
„Има големи
критики на негова адреса и на адреса на тимот”.
„Кога сакате да
ја дисциплинирате вашата прва ѕвезда, вашиот најдобар играч и пред огромен
натпревар како гостување кај Ливерпул решите да го изоставите од тимот… ако
го изоставите од тимот и Арсенал победи, морате да го држите на клупа уште
некој натпревар”.
„Но прашањето е
дали Арсенал без него може да заврши во топ четири? Мислам дека не може”.
„И доколку
изгубите, како што тоа се случи, мислам дека имате навистина голем проблем”.