Куман: Повеќе боли ремито со Кадиз отколку поразот од ПСЖ

Барселона на свој терен одигра 1-1 против Кадиз, гостите до бодот дојдоа со гол од пенал во 89. минута.

„Многу, многу сум разочаран, повеќе отколку што бев во вторникот по поразот од ПСЖ. Ова се натпревари кои мора да ги победуваме. Имавме шанса да ја намалиме предноста на Атлетико, но не го направивме тоа како што треба“, изјави Куман по мечот.

Барселона не успеа во целост да го искористи поразот на Атлетико Мадрид, смали само еден бод во однос на лидерот. 

Каталонците се на третото место на табелата со осум бода помалку од Атлетико и пет помалку од Реал Мадрид кој има и меч повеќе.