Рома не може да
се пофали со добар старт во новата сезона, веќе заостанува 18 бодови зад
лидерот во Серија А, Јувентус, а фудбалерите се соочуваат со големи критики од
фановите на клубот.
Далеку е Рома од
ланската сезона каде Италијанците беа дел од полуфиналето во Лигата на
шампионите, а претходно ја елиминираа Барселона во епскиот реванш во Рим,
сепак, Александар Коларов се одзва на критиките кон тимот, тој испрати порака
до навивачите дека треба да бидат свесни за тоа дека не знаат ништо за
фудбалската игра.
„Јас немав ништо
ветено, до никого, само кон себе во услови да работам напорно и да го дадам
максимумот од себе, тоа го правам уште од стартот на мојата фудбалска кариера“
рече Коларов.
„Навивачите со
право се вознемирени и разочарани, ние го почитуваме тоа, но, тие мораат да бидат
свесни за тоа дека не знаат ништо за фудбалот“ рече Србинот а оваа негова
изјава предизвика лавина реакции кај навивачите на Рома.
Италијанската екипа вечерва на домашен терен го пречекува Реал Мадрид во петтото, претпоследно коло од групната фаза во Лигата на шампионите.