Германецот синоќа се појави пред медиумите во пресрет на дуелот со Барселона во полуфиналето од Лигата на шампионите, па доби прашање за големата дебата и тоа кој е на врвот па беше замолен да ги наброи петте најдобри фудбалери.
„Меси е број 1. Кристијано Роналдо секако е тука, а за другите ќе треба да видиме. Сум тренирал неколку навистина добри играчи кои имаат простор уште да напредуваат. Мојот тактко секогаш велеше деа Пеле е најдобар, но јас не сум го гледал Пеле во живо, премлад сум за тоа. Има навистина добри фудбалери, но таков е мојот ранкинг, Лео е на врвот, тој е најдобар според мене“ – вели тренерот на Ливерпул.
Запрашан дали има некоја посебна тактика за да го сопре Аргентинецот, Јирген Клоп додава: „Секако дека треба да се фокусираме на него во одредени моменти, но доколку се насочиме само на него, Барселона има 10 други играчи кои лесно можат да го решат натпреварот. Имаат тим од највисок квалитет, веќе станаа шампиони на Шпанија“.
„Меси пред почетокот на сезоната порача, „Сакаме да го вратиме трофејот“ и тоа мене ми звучеше како закана. Но и ние сакаме да бидеме во финалето, би било кул доколку можеме да го покажеме тоа утре“.
„Многу екипи дошле тука и имале идеа, имале план како да и се спротивстават на Барселона, „ако го направи ова, ако го направиме она…“ и потоа добиле шлаканица. Па воопшто нема да биде лесно. Секако, има и неколку екипи кои им создадоа многу проблеми. Леванте одигра одлично пред неколку дена, Реал Сосиедад исто така се прикажа во добро светло“.