Дербито во
вечерашните натпревари од петтото, претпоследно коло од групите во Лигата на
шампионите се игра во Париз, каде францускиот првак ПСЖ го пречекува Ливерпул
во рамките на групата „Ц“ каде е доста интересно, особено по поразот на
Ливерпул кај Црвена звезда во претходното коло од 2-0.
Јирген Клоп,
шефот на стручниот штаб на Премиерлигашот упати серија пофални зборови за
неговиот вечерашен противник, а за да му се парира во контролирање на мечот
потребно е да се има големи мади*а, тврди тој.
„ПСЖ е вистински
пакет, тука мислам на дефанзивната и на офанзивната линија, ќе ги погледнете
фудбалерите во офанзивата, а потоа доаѓате и до Рабио, Верати… целиот свет го
посакуваше пред две години, не можете да го игнорирате тоа“ изјави Клоп.
„Доколку не
играме на потребното ниво, ние немаме никакви шанси. Треба да играте максимално
против нив или никогаш нема да се ослободите од притисокот. Со топка, тие
прават постојан притисок, а доколку вие ја имате топката треба да го
контролирате натпреварот, потребни ви се големи мади*а за да го сторите тоа“
заклучи Германецот.
Моменталната
ситуација на табелата во оваа конкуренција му дава прво место на Наполи со 6
бода, исто колку што има и Ливерпул, следат ПСЖ со 5, односно Црвена звезда до
4. Во последното коло Ливерпул на домашен терен го пречекува Наполи, а ПСЖ
гостува кај Црвена звезда.