Ливерпул загуби
минимално на свој терен од Челси, па со оглед на очајната форма на „Редсите“
сезонава, Јирген Клоп е прв на удар, а дека работите во тимот на теренот не
функционираат доволно говори и фактот што првата ѕвезда на тимот Мохамед Салах
беше повлечен од игра уште во 62 минута на дербито.
Мистериозна порака на менаџерот на Мохамед Салах (ФОТО)
Сосема логично,
по таа одлука на Клоп на сцена настапија и разни шпекулации низ медиумите околу
можното заминување на Египјанецот од Ливерпул, за дури да следи и една
мистериозна порака на социјалните мрежи од страна на агентот на фудбалерот, а
Клоп мораше и да ја објаснува својата одлука од синоќа.
„Мислам дека
Салах ужива во притисокот околу себе во однос на погодоците, тој и сезонава е
одличен, синоќа можев да заменам и други фудбалери“ изјави Клоп.
„Ние ги правиме
овие одлуки во еден момент, потоа мораме да им објаснуваме на момците, а вие
сте тука секако да правите стории од сето тоа, немаме вакви дискусии ние во
тимот“ додаде тој.
„Јас ги носам
одлуките, а момците ги прифаќаат, ние добро знаеме дека сите заедно бевме дел
од успехот претходно, заедно ќе се избориме и повторно да дојдеме до тоа ниво,
тоа е нашата идеја, не можам да не смеам да заменам фудбалер поради тоа што
можеби ќе излезе сторија од сето тоа“ заклучи Германецот.