Ливерпул доживеа
шок на гостувањето кај аутсајдерот Црвена звезда и загуби со 2-0 во Белград во
рамките на четвртото коло од Лигата на шампионите.
Викендов на
Енфилд гостува последно пласираната екипа во Премиерлигата, а тимот на Јирген
Клоп ќе се надева дека Челси (против Евертон) и Манчестер Сити (против
Манчестер јунајтед) нема да дојдат до победа, а воедно и ќе го преземе врвот во
најсилниот англиски фудбалски шампионат.
Многу фанови на
Ливерпул очекуваат „лесна“ победа викендов за нивниот омилен тим, но, тие со
такво размислување добија совет од Клоп, доколку имаат такви очекувања, воопшто
да не дојдат на Енфилд, туку да си останат во својот дом.
„Би бил идиот да
размислувам на тоа со каква разлика би го добиле Фулам, гледајќи ги нивните
натпревари, ќе издвојам дека му направија проблеми на Манчестер Сити, тие се
силна екипа, доколку некои мислат дека ова ќе биде лесен натпревар за нас,
истите би ги замолил да останат во својот дом“ рече Клоп.