Ливерпул одигра одличен натпревар на Камп Ноу, но за разлика од Барселона не ги искористи своите шанси и на крајот доживеа убедлив пораз од 3-0.
„Не сум сигурен дали заслуживме многу повеќе отколку што добивме, игравме навистина добар фудбал, но на крајот тие постигнаа три а ние ниту еден, па лесно е да се прифати. Во фудбалот имате разни работи по кои како тренер можете да судите. За мене важен е начинот на кој игравме и комплетно сум среќен со тоа. Им кажав на момците дека сум горд на тоа како одиграа. Мислам дека ова беше нашиот најдобар гостински натпревар во Лигата на шампионите, не само оваа година, туку и за минатата. Игравме навистина добро, креиравме одлични шанси и им создадовме многу проблеми“, изјави Клоп.
„Лигата на шампионите е ваква: ако загубиш на гости не е голем проблем, може да се случи се додека постигнеш и ти гол. Тоа е проблемот овој пат, ние не дадовме гол, па сега нема да ни биде лесно да бидам искрен. Според мене момците собраа почит според начинот на кој одиграа. Навистина многу се забавував во текот на мечот, но на крајот загубивме, па тоа не беше баш забавно. Доволно долго време сум во бизнисот па знам како да ги прифаќам ваквите работи. Тоа е тоа“.