Кластерот на „Аѕурите“ се зголемува, Бернардески е нов случај на зараза со ковид-19

Јувентус објави
дека Федерико Бернардески бил позитивен на последното тестирање за коронавирус,
со тоа што овој фудбалер е третиот случај на зараза во тимот по квалификациите
за Светското првенство.

Кластерот на
позитивни случаи по обврските на фудбалерите со своите репрезентации се
зголемува во составот на „Старата дама“, откако пред Бернардески, се заразија
уште и Мерих Демирал и Леонардо Бонучи откако се вратија од интернационалната
пауза.

Доста
проблематичен е кластерот во селекцијата на Италија откако за време на
интернационалната пауза се заразија уште и Алесандро Флоренци, Марко Верати,
Салваторе Сиригу, Винченцо Грифо и Алесио Краго, за последен во низата да биде
и Бернардески.