Често се пишува
дека се одбројани деновите на Томас Тухел на Паркот на Принцовите и се
шпекулира дека ПСЖ бара нов тренер.
Макс Алегри, Маурисио
Покетино и Тиаго Мота се имињата кои најчесто кружат низ медиумите, а според
новинарот Едуардо Инда, прва желба на ПСЖ е Зинедин Зидан.
Тој открива дека „светците“
подолго време се во контакт со Французинот и го убедуваат да замине од Реал
Мадрид.
За да прифати нов
проект во Париз, му е ветен бланко чек, односно колку сака пари за
засилувања. Зизу ќе стане и најплатениот тренер во светот со примања поголеми од
оние на Диего Симеоне (22 милиони евра годишно).
ПСЖ исто така се
надева дека со ангажман на Зинедин Зидан ќе има повеќе адути во преговорите со
Килијан Мбапе и ќе ја убеди својата млада ѕвезда да остане.