Фудбалерите на Јувентус со уште една победа на Светското клупско првенство, сега над мароканскиот Видад од 4-1 го обезбеди пласманот во осминафиналето.
Победата италијанскиот гигант ја најави уште во почетните минути прво Бутоли си постигна автогол во шестата минута, а десет минути подона Кенан Јилдиз постигна убав гол за 2-0.
Já não tenho mais adjetivos para esse meteoro que é KENAN YILDIZ ☄️
— César Costa (@cesar21costa) June 22, 2025
Inimaginável uma Juventus sem ele: hoje e nos próximos anospic.twitter.com/6uhb9Wh4F8
Се играше 25. минута кога Лорч го намали резултатот на 2-1 и тоа беше резултатот со кој се замина на полувремето.
Во вториот дел „старата дама“ одигра колку што е потребно за да ја потврди победата. На 20-тина минути пред крајот Јидлиз постигна втор гол за 3-1, додека конечниот резултат го постави Влаховиќ со гол од пнеал во самата завршница.
Ќе потсетиме, во првото коло Јувентус славеше со 5-0 против Ал Аин.
Јувентус во последното коло од групната фаза ќе се соочи со Манчестер сити кој исто така ако слави против Ал Аин ќе го обезбеди местото во следната фаза.