Чиро Имобиле е
еден од најбараните напаѓачи на европскиот фудбалски пазар, а Скај Спорт
известува дека тој дал зелено светло за трансфер во Милан, дури и покрај фактот
што тимот од Милано доби суспензија од европските натпреварувања.
Треба да се има
во предвид дека Лацио како клуб е тежок во преговорите за трансфер и продажба
на своите фудбалери, Имобиле има важечки договор со клубот до 2022. година, па
оттука, јасна е позицијата на Лацио во овие преговори.
Сепак, напаѓачот не
сака да проговори за потенцијален трансфер, па истакна дека едвај чека да се
врати во тимот на Лацио со кого ќе се подготвува за претстојната нова сезона.
„Едвај чекам да
почнеме со предсезонските подготовки, ланската сезона постигнав 41 погодок,
моето име стана доста барано од неколку екипи, но останав смирен, уживам во
последните денови од одморот и едвај чекам да се вратам“ рече Имобиле, а
претходно потенцираше дека е среќен во Рим.