Во последниот
натпревар од 28. коло во Ла Лига, Барселона со одлична партија и три бода си
замина од „Сан Себастијан“. За прв пат по 21 година, „каталонците“ постигнаа
шест погодока против Реал Сосиедад.
Гризман го отвори
резултатот во 37. минута откако Дембеле промаши зицер а тој прв стигна до
одбиената топка. Пред крајот на првиот дел, Дест на асистенција на Меси го
постигна својот гол првенец во Ла Лига.
На стартот од
вториот дел, Дест по втор пат се запиша во листата на стрелци за три минути
подоцна Меси да добие топка во фор и рутински да го матира Ремиро за 0-4.
Дембеле во 71. минута
зголеми на 0-5, за Баренечеа да постигне почесен гол за Реал Сосиедад во 77. минута.
Лео Меси стави
точка на натпреварот во 89. минута, Барса одигра една „тика-така“ акција а
Аргентинецот прецизно реализираше на поблиската статива за конечни 1-6.