Арон Ван Бисака
од Кристал Палас, Калиду Кулибали од Наполи и Иван Ракитиќ од Барселона се приоритете
на Манчестер јунајтед за засилување на тимот. Оваа вест утрово ја пренесе Токспорт
како ексклузива.
Извештајот вели
дека „ѓаволите“ сакаат да ја засилат десната бековска позиција со оглед на тоа
дека Антонио Валенсија и Ешли Јанг се во одминати години, а младиот Диего Далот
не ужива доверба кај Оле Гунар Солскјер.
21 годишниот Ван
Бисака е идентификуван како идеален играч. Англичанецот важи за еден од
најперспективните млади фудбалери на „Островото“ и со добрите игри во дресот на
Кристал Палас го привлече вниманието на гигантите како Арсенал, Ливерпул, Челси
и Манчестер Сити. Се верува дека „орлите“ за неговите услуги ќе бараат
најмалку 40 милиони фунти.
Нов централен
дефанзивец исто така е на врвот на листата и Манчестер јунајтед не сака да се
откаже од намерата за ангажман на Калиду Кулибали. Првиот човек на Наполи во
декември откри дека „ѓаволите“ понудиле фантастични 95 милиони фунти. Калиду
Кулибали важи за еден од најдобрите дефанзивци во Европа, и Ед Вудворд ќе мора
да го одврзе ќесето и да го собори рекордот за одбрамбен играч кој го постави
Ливерпул кога го купи Вирџил ван Дајк за 75 милиони фунти во јануари 2018.
Плејкмејкерот на
Барселона, Иван Ракитиќ исто така е помеѓу желбите на најтрофејниот клуб од
Англија. Се поизгледно е дека Хрватот ќе замине од Камп Ноу летоска за „каталонците“ да ги балансираат сметките. Интер и уште неколку клубови
пројавија интерес, па Манчестер јунајтед нема да има лесна задача. Фудбалерот од средниот ред има откупна клаузула од 125 милиони евра, но Барса веројатно ќе се согласина продажба за многу помалку.
Ед Вудворд исто
така ќе треба да именува и нов перманентен тренер, а според Токспорт, Оле Гунар
Солскјер сега е прв кандидат за работата по серијата одлични резултати и
партии откако Норвежанецот на привремена основа го превзеде кормилото по
отказот на Жозе Мурињо во декември.