Германија потфрли во финишот, Ван Дајк со гол во 91. минута ја однесе Холандија на Ф4 (ВИДЕО)

Откако ги
пропушти последните две големи натпреварувања, малку радост за Холандија.
Германија иако беше веќе испадната во ранг подолу, вечерва играше за својата
чест и со головите на Вернер и Сане на пауза замина со 2-0.

Но „Панцерите“ имаат
година за заборав, потфрлија во финишот од мечот и дозволија противникот да постигне
два гола во последните пет минути.

Најпрво Промес
реализираше во 85. минута и ја врати надежте кај „Лалињата“ за Ван Дајк да
погоди во 91. минута за 2-2, првото место во Групата 1 и настап на Ф4.

Со овој бод,
Холандија стана последниот учесник на завршниот турнир, и им се придружи на
домаќинот Португалија, Англија и Швајцарија.