Реал Мадрид се
избори за 1-1 на Камп Ноу во првиот меч, но вечерва потфрли пред својата публика.
Избраниците на Солари во првиот дел пропуштија неколку добри шанси, а казната
за ова стигна во продолжението од мечот.
Суарез погоди на
стартот од вториот дел, Варан потоа си постигна автогол за Суарез со „паненка“
од 11 метри да стави точка.
И кога се беше
решено, малобројните фанови на Барса решија да си тераат мајтап со лутиот
ривал. Околу 200 навивачи на „каталонците“ пристигнаа на
Бернабеу да ги бодрат своите миленици, и со 0-3 на семафорот, тие почнаа да скандираат „Каде е ЦР7?“. Со
ова го исмеваа Реал и слабата реализација во отсуство на Кристијано Роналдо,
кој минатото лето направи трансфер во Јувентус.
На „мадридистите“
не им се допадна ова па со свирежи сака да ги замолчат гостите.