Македонските
репрезентативци, Елиф Елмас и Аријан Адеми имаа меѓусебен дуел во Истанбул кој
заврши без голови 0-0, но на Фенербахче овој бод му е доволен за пласман во
елиминационата фаза од Лига Европа, а Динамо Загреб тоа го направи уште во
минатото коло.
Иван Тричковски
со гол во 85. минута донесе победа за АЕК Ларнака на гостувањето кај Цирих од
2-1, но овој триумф беше пиров бидејќи тие уште во минатото коло ги загубија
шансите за следната рунда. Македонскиот напаѓач натпреварот го почна од
клупата, во игра влезе во 66. минута и на крајот беше најзаслужен за триумфот.
Во следната фаза
ќе игра Стефан Ристовски кој се уште е во аут поради повредата, но неговите
соиграчи вечерва славеа убедлива победа од 6-1 на гостувањето кај Карабак и го
заверија пласманот во нокаут фазата.
Бобан Николов ги
одигра последните 15 минути од гостувањето на МОЛ Види кај Бате Борисов.
Унгарскиот тим загуби со 2-0, па во следното коло преку Челси ќе треба да
избори пласман понатаму, а тоа нема да биде нималку лесно.