Аргентинецот го
превзеде кормилото на првиот тим на Реал по отказот на Хулен Лопетеги, но беше
назначен само на привремена основа. Според правилата на Фудбалската федерација
на Шпанија, Реал Мадрид имаше рок од 15 дена да одлучи дали ќе го задржи
Сантијаго Солари или пак ќе ангажираат друг тренер.
Рокот истекува
денеска и додека медиумите блиски до Реал се уште немаат информации, од
Каталонија пристигнува вест дека Флорентино Перез решил да му укаже доверба на
стратегот. Според пишувањата на Мундо Депортиво, документите се веќе испратени
и наскоро ќе пристигне официјално соопштение.
Сантијаго Солари им
донесе четири победи на „Кралевите“ на исто толку натпревари со 15 постигнати
погодоци и само два примени. Ваков старт немал никој од неговите претходници во
116 години долгата историја на Реал Мадрид.