Според
неофицијалните информации кои дел од медиумите во Италија ги наведуваат, се
вели дека Интер би можел да го продаде Иван Перишиќ за пониска цена од
претходно наведените, но, тимот од Милано истовремено би се обидел да стигне до
потписот на Ентони Марсијал, доколку Манчестер јунајтед го посакува Хрватот.
Калчомеркато
пишува дека Интер сака да го замени Перишиќ со ‘фудбалер како Марсијал’, а нивниот интерес за потенцијален договор е ‘конкретен’. Тимот од Милано би дозволил нивниот офанзивец да
си замине за околу 35 милиони евра, но, Нероаѕурите се надеваат дека со
Французинот повторно би имале силен состав и би се пополнила брзо дупката која
би се оставила со евентуалното заминување на Перишиќ.
Јунајтед се
поврзува со Перишиќ веќе подолг период, а Црвените ѓаволи претходно имаа
неуспешни обиди откако Интер постави цена од најмалку 53 милиони евра за својот
фудбалер.