Дибала испрати порака до Меси

Фудбалерот на
Јувентус, Пауло Дибала тврди дека сите во националниот тим на Аргентина
посакуваат Лионел Меси да се врати во тимот.

Ѕвездата на
Барселона нема настап за Гаучосите уште од Светското првенство кое изминатото
лето се одржа во Русија, а по победата од 2-0 во контролката со Мексико, во
таборот на Аргентина се постави и прашањето околу Меси.

„Ние сите
посакуваме Меси да се врати во националниот тим“ рече Дибала.

„Сите знаеме
какво значење има Меси за нас, но, одлуката е негова, ние сме екипа составена
од многу млади фудбалери, потребна ни е поддршка“ додаде фудбалерот на
Јувентус.