Дешам објасни зошто го извади Мбапе иако во тој момент на Франција и требаше гол

Течеше 77. минута, резултатот беше 1-1, но Дешам реши да го извади Мбапе. За многумина оваа одлука на селекторот беше изненадувачка.

Запрашан на прес конференцијата за измената, Дешам рече: „И тој самиот знаеше дека не играше добро“.

Речиси целата француска репрезентација синоќа не беше на потребното ниво. Украина одигра одличен меч, на Французите им беше тешко да создаваат шанси по креирани акции, се обидуваа само со индивидуалните квалитети на поединци, но само еднаш имаа корист од тоа, при погодокот на Гризман.