Дали извиците на Лукаку по постигнатиот гол беа наменети за Ибрахимовиќ?

На претходниот дуел меѓу Интер и Милан, Лукаку и Ибрахимовиќ влегоа во жестока расправија, па нивниот дуел синоќа беше следен со посебно внимание.

Интер победи со 3-0, а еден од головите беше дело на Лукаку. Откако го постигна голот тој извикуваше: „Тоа сум јас, тоа сум јас, јас сум најдобриот“.

Според „Газета дело Спорт“ и „Кориере дела Сера“, иако Лукаку не ги упати зборовите директно кон Ибрахимовиќ, тие веројатно се инспирирани од нивната кавга.

„Тој извикуваше во воздухот, не беше директно кон Ибра, но пораката можеби е за него“, напиша „Кориере дела Сера“.