Последнопласираната
екипа во Премиерлигата, Хадерсфилд, кој има очајна сезона зад себе во најсилната
конкуренција на Островот, го исфрли Манчестер јунајтед од битката за пласман
помеѓу четирите екипи на табелата и место во Лигата на шампионите за идната
сезона.
Иако фаворитот
прв дојде до водство на гостувањето со погодокот на МекТоминеј во 8. минута, во
второто полувреме Мбенза израмни на 1-1, а со тоа уште во таа фаза беше
поставен конечниот исход на оваа пресметка.
McTominay opens the scoring!! #MUFC #HUDMUN pic.twitter.com/8X00wojChc
— UnitedReds.com (@UnitedRedscom) May 5, 2019
Ватфорд издржа
едно полувреме на Стемфорд Бриџ, а во второто прими три гола во мрежата од
својот гол за убедлива победа на Челси од 3-0, со погодоците на Лофтус-Чик,
Луиз и Игуаин,
Loftus-cheek with the amazing goal! #CHEWAT pic.twitter.com/fegLDKg3zI
— philip (@pastamilkshakes) May 5, 2019
На табелата Челси
е трет со 71 бод, Тотнем има 70, а Арсенал кој денеска игра на домашен терен
против Брајтон (17,30) е на петтото место со 66 бода. Манчестер јунајтед со 65
бода нема никакви шанси во последното коло да се избори за место помеѓу
најдобрата четворка.
Во последното коло
идната недела Арсенал гостува кај Барнли, Челси кај Лестер, а Тотнем на домашен
терен го пречекува Евертон. Манчестер јунајтед на домашен терен го пречекува Кардиф.