Челси ќе му дозволи на Сари сам да го казни својот асистент

Челси со гол на Баркли во 96. минута се спаси од пораз против Манчестер јунајтед, а асистентот на Сари, Иани погодокот го прослави пред Жозе Мурињо по што настана инцидент.

По мечот Мурињо изјави дека го прифатил извинувањето од Иани, додека Сари рече дека ќе се справи со случајот.

„Скај Спортс“ дознава дека Челси нема да го казни Иани, туку ќе остави тоа да го направи Маурицио Сари.

Но асистентот може да добие казна и од ФА, тие го чекаат извештајот на судијата Мајк Дин по што ќе одлучат дали ќе реагираат.