И Челси и Баерн Минхен денешните реванш дуели на свој терен ги почнаа со предност од првите натпревари и лесно ги заверија пласманите меѓу осумте најдобри.
Челси играше одлична одбрана и преку контри го загрозуваше голот на Атлетико Мадрид кој беше безопасен кон голот на Менди.
Двата гола на Челси беа од контри, првиот го даде Зијеш во 34. минута, а вториот гол Емерсон во судисикото продолжение со својот прв контакт со топката.
Последните десетина минути Атлетико ги играше со фудбалер помалку поради директен црвен картон на Савиќ кој со лакт намерно го удри Рудигер.
Баерн Минхен по убедливата победа во Рим, денеска требаше само рутински да покаже дека е подобар тим од Лацио, и тоа се случи.
Баварците водеа со 2-0 со голови на Левандовски и Чупо Мотинг, пред крајот Пароло намали на 2-1.