Буфон се враќа во Парма?

41-годишниот Буфон е слободен агент откако и официјално беше објавено дека нема да продолжи во ПСЖ.

„Газета дело Спорт“ пишува дека Џиџи Буфон би можел да се врати во Италија и веќе преговара со Парма.

Тој својата кариера ја почна токму во Парма, излезе од младинската школа на овој тим, а првиот сениорски настап го имаше во 1994 година.

Имаше 220 настапи за Парма, дебитираше во Серија А во 1995 на 19 ноември против Милан кога имаше само 17 години и девет месеци.

Буфон во Јувентус се пресели како рекорден трансфер тогаш за голман, тие платија 53 милиони евра за тој да потпише за нивниот клуб во 2001 година.

Доколку потпише за Парма, тој ќе се пензионира во клубот каде што и ја почна кариерата.