Билд: Јовиќ си го испразнил шкавчето и чека да биде соопштен неговиот трансфер во Реал!

Српскиот напаѓач најверојатно ќе го носи дресот на Реал Мадрид од следната сезона, а во наредните денови се очекува трансферот и официјално да биде соопштен.

Дека трансферот е пред реализација покажува и информацијата на германскиот весник „Билд“ кој тврди дека Јовиќ веќе си ги собрал работите од тренинг центарот на Ајнтрахт Франкфурт. А тоа е знак дека не планира да се врати таму.

Јовиќ во моментов е на краток одмор, па треба да се приклучи на српската репрезентација за двата квалификациски дуели против Украина и Литванија на 7 јуни и 10 јуни.