Реал Мадрид веќе
четири натпревари не знае за победа, како да беше мал шокот од поразот кај ЦСКА
во Москва во Лигата на шампионите, па следеше нов за фановите на гигантот, овој
пат во минималниот пораз кај Алавес во редовното коло од Примера.
Кралевите дефинитивно
се во криза, а на Хулен Лопетеги му се заканува отказ на клупата на европскиот
првак, но, не се само тие проблеми единствени за шпанскиот тим, Карим Бензема
се здоби со повреда во дуелот против Алавес по што мина само едно полувреме на
теренот.
„По тестирањата
кои беа извршени над Карим Бензема од медицинскиот тим на Реал Мадрид, кај него
беше дијагностицирана повреда на десната тетива, за тоа кога ќе биде неговото враќање на терените, ќе следи конечна оценка од медицинскиот тим“ објавија од Реал Мадрид.
Очекувањата се
францускиот напаѓач да отсуствува две или три седмици од терените, а притоа
останува отворено прашањето дали ќе биде во комбинација за мега пресметката со
Барселона на Камп Ноу, предвидена да се одигра на 28 овој месец.
Бензема досега
постигна четири погодоци во новата сезона, доколку не се рехабилитира за
дербито, Мариано Диаз е напаѓачот од кого ќе се очекуваат голови против
големиот ривал на Кралевите.