Барса пак го победи Реал и за прв пат по 87 години има повеќе победи на „Ел Класико“ (ВИДЕО)

Реал Мадрид загуби на двете „класика“ по ред кои се играа за четири дена и тоа на Сантијаго Бернабеу, кралскиот клуб не даде ниту гол на овие мечеви. Само прашање на време е кога Солари ќе добие отказ.

Барселона продолжува да вади одлични резултати на Бернабеу, за прв пат по 87 години го помина Реал Мадрид во победи на меѓусебните дуели.

Натпреварот беше решен уште во 26. минута кога Ракитиќ погоди за водство од 1-0 кое се покажа и како конечен резултат на крајот.

Реал Мадрид не направи доволно за да избегне пораз, нападите беа јалови, речиси и да не создадоа посериозна шанса за гол.

Со оваа победа Барселона ја зголеми предноста пред Реал Мадрид во Примера на дури 12 бодови.