Колумбиецот во
2017 пристигна на Алианц Арена на двегодишна позајмица а Баерн Минхен доби и
опција во целост да го купи играчот. Сепак, авантурата на Хамес Родригез во
Бундеслигата не се одвиваше според планот, оваа сезона тој имаше големи
недоразбирања со тренерот Нико Ковач.
Самиот играч
побара од управата да не му биде продолжен престојот па Баерн Минхен попладнево
соопшти дека плејмејкерот се враќа во Реал Мадрид.
Со ваков потег,
„баварците“ пропуштаат да заработат десетици милиони евра. За услугите на Хамес
Родригез неколку клубови пројавуваат интерес и сигурно ќе можеа да го продадат
за повеќе од 42 милиони евра, колку што требаше да му платат на Реал за
активирање на клаузулата.
Во изминативе две
години, сумите кои се плаќаат за засилувања лудо скокнаа откако Нејмар направи рекорден трансфер во
ПСЖ за 222 милиони евра.
James Rodríguez leaves #FCBayern. pic.twitter.com/tg4BGXcCQo
— FC Bayern English (@FCBayernEN) June 5, 2019