Баерн Минхен влезе како голем фаворит во дуелот со Ајакс и одлично го почна мечот. Со гол на Хумелс со глава уште во четвртата минута дојде во водство од 1-0.
Но Ајакс не се откажа, во 22. минута од натпреварот Мазрау го изедначи резултатот на 1-1. Тоа се покажа и како конечен исход од мечот.
Реал Мадрид доживеа уште еден неуспех, овој пат во Лигата на шампионите. Натпреварот со ЦСКА Москва беше решен во втората минута кога Власиќ реализираше за 1-0.
Манчестер јунајтед на Олд Трафорд не успеа да дојде до победа против Валенсија, ново разочарување за Жозе Мурињо и навивачите на тимот. Столчето на Португалецот се посилно се тресе.
Фаворитската улога ја потврди Рома која со 5-0 ја совлада Викторија Плзен. Един Џеко постигна хет-трик, по еднаш реализираа Андер и Клајверт.
Лион се врати од два гола негатива против Шахтар и одигра 2-2. Бенфика со 3-2 славеше на гостувањето кај АЕК.
Претходно, Јувентус со 3-0 славеше над Јанг Бојс, Манчестер Сити со 2-1 го совлада Хофенхајм.