Баерн Минхен ќе
му го понуди дресот со број „10“ на фудбалерот на Манчестер Сити, Лерој Сане,
откако продолжуваат обидите на германскиот првак да дојдат до потписот на
офанзивецот, кој е од поодамна желба на тој клуб.
Изминативе 12
месеци Баерн Минхен е во постојани обиди за да го ангажира Сане, постоеа понуди
и претходно, но Манчестер Сити истите ги одби, откако во англискиот првак беа
категорични во намерата да го задржат Германецот во сопствените редови.
Сега, најнова
вест во однос на оваа тема е информацијата која ја објави „Билд“, во која јасно
се гледа дека во Баерн Минхен ќе се обидат на секаков можен начин да го убедат
Сане, па би му ја понудиле и популарната „десетка“, која претходно беше носена
од Архен Робен, Бриан Лаудруп, како и Лотар Матеус, а моментално ја носи Филипе
Кутињо, кој е на позајмица од Барселона, но Бразилецот нема да остане подолго
во составот на „Баварците“.
Интересен е
фактот што Сане постојано го носел дресот со број „19“, уште од настапите во
Шалке 04, а потоа и во Манчестер Сити, но, и во германската национална
селекција, иако во составот на „Панцирите“ има настапувано и со бројот „20“, „24“, односно „24“.