71
Арсенал ќе се бори за пехарот од Лига Европа кој носи и место во Лигата на шампионите за следната сезона откако и со втора победа покажа дека е поквалитетен тим од Валенсија.
Домаќините добро го почнаа натпреварот поведоа со гол на Гамеиро уште во 11 минута, но само шест минути подоцна Обамејанг постигна гол за изедначување на 1-1.
По пет минути игра во вториот дел Лаказет постигна гол за комплетен пресврт и водство на Арсенал од 2-1, но во 58. минута по една убава акција Гамеиро со својот втор гол на мечот изедначи на 2-2.
Во 69. минута нов гол на Обамејанг со кој го врати водството на Арсенал, а пред самиот крај на мечот постигна уште еден гол за негов хет-трик и конечен резултат од 4-2.