Алекс Сандро стави потпис на нов договор со Јувентус

Алекс Сандро силно се поврзуваше со трансфер во Премиерлигата, заинтересирани за него беа Челси и Манчестер јунајтед.

Но, левиот бек одлучи да остане во Торино и денеска стави потпис на договор со Јувентус до 2023 година.

Алекс Сандро во 2015 година во Јувентус дојде од Порто и од тогаш има повеќе настапи за тимот од било кој друг дефанзивец.

Иако е бек, за Јувентус има постигнато девет голови и 18 асистенции во 134 настапи.