По поразот од Сасуоло, Јувентус денеска загуби и од Верона, во моментов е на 9. место на табелата, со можност да падне уште подоле до крајот на колото.
„Зборовите се безначајни во моментов. Вво лоша ситуација сме, треба да ја прифатиме реалноста, сега сме тим од средина на табелата. Од оваа ситуација можме еда излеземе со малку повеќе посветеност и квалитет“, вели Алегри.
„Ќе излеземе од оваа ситуауција. Нема потреба да се сожалуваме, тоа нема да помогне, треба само да се фокусираме и да го правиме тоа што треба и работите сами по себе ќе се средат“.
„Ако го носите дресот на Јувентус тоа не ви дава гаранција дека можете да го победите секој тим од средина на табелата. Треба секој бод да го заработиме со вистински приод“.
„Фудбалот е фудбал, треба да се борите на теренеот на исто ниво со сите противници. Против Сасуоло загубивме многу дуели и воздушни дуели, и тие не се многоу физичка екипа“.
„Верона знаеше како треба да игра за да го победи Јувентус. Нашата грешка беше што мислевме дека сме подобри од Верона, но во моментов не сме. Мора да бидеме реални“.
„Нема голем тим кој освојувал без да го почитува противникот. Натпреварите се битки, мора да покажеме поголема борба“.