Агентот на Ван де Бек открива: Имавме договор со Реал Мадрид, беа потпишани и документите, но…

Агентот на Ван де Бек, Гуидо Алберс открива дека неговиот клиент си подал рака со Реал Мадрид, имал потпишано и документи минатата година, но трансферот не се реализирал поради ситуацијата со ковид-19.

„Минатата година работевме тој да направи трансфер тоа лето, но Ајакс не сакаше бидејќи тие веќе ги продадоа Де Јонг и Де Лихт. Тој остана, но се беше договорено за негов трансфер. Сите документи беа потпишани со Реал Мадрид“, вели агентот.

„Си подадовме рака и си рековме дека е 100 проценти завршена работата. Го држевме тоа во тајност, ова лето требаше тој само да ги помине медицинските тестови и да стане играч на Реал Мадрид“.

„Но пандемијата од ковид-19 промени се и Ван де Бек наместо во Реал Мадрид замина во Манчестер јунајтед“.